കൃഷിയെ പ്രോത്സാഹിപ്പിക്കാനും, ജനങ്ങളില് കാര്ഷികമനസ്ഥിതി ഉണ്ടാക്കിയെടുക്കാനുമായി നമ്മുടെ കൃഷിവകുപ്പ് വളരെയധികം നല്ല കാര്യങ്ങള് ചെയ്യുന്നുണ്ട്. എന്നാല് അധികം ആളുകളിലേക്ക് കൃഷിവകുപ്പിന്റെ പ്രവര്ത്തനങ്ങളുടെ വിവരങ്ങള് എത്തിച്ചേരുന്നുണ്ടോ എന്ന കാര്യം സംശയമാണ്.. കഴിഞ്ഞ ദിവസം ഒരു സുഹൃത്തില് നിന്നും ലഭിച്ച അറിവാണ് കൃഷിഭവനില് നിന്ന് അടുക്കളത്തോട്ട നിര്മ്മാണത്തിനാവശ്യമായ പച്ചക്കറി വിത്തുകള് സൌജന്യമായി നല്കുന്നു എന്ന്.. ടെറസ്സില് ചെറിയ രീതിയില് ഒരു തോട്ടം ഉണ്ടാക്കി അവിടെ പാകുവാന് ആവശ്യമായ വിത്തുകള് വില കൊടുത്ത് വാങ്ങി വളര്ത്തിയ ഒരു പരിചയമുണ്ടായിരുന്നത് കൊണ്ട് സൌജന്യമായി കിട്ടുന്ന വിത്ത് വാങ്ങാന് പോവുന്നതിനെക്കുറിച്ച് രണ്ടാമതൊന്നു ആലോചിക്കേണ്ടി വന്നില്ല..
അവര് ആവശ്യപ്പെട്ടിരുന്നത് പ്രകാരം കരമടച്ച രശീതും തിരിച്ചറിയല് കാര്ഡുമായി കൃഷിഭവനില് ചെന്ന് സൌജന്യമായി വിത്തുകള് കൈപ്പറ്റി.. :) അവ എങ്ങനെ നടണം, എങ്ങനെ പരിപാലിക്കണം എന്നിങ്ങനെയുള്ള ചെറിയ ഒരു ക്ലാസും, എപ്പോള് വേണമെങ്കിലും കൃഷിയെപ്പറ്റിയുള്ള എന്ത് സഹായങ്ങള്ക്കും സമീപിക്കാം എന്ന ഉറപ്പും നല്കി.. അതോടൊപ്പം നൂറ്റിയന്പത് രൂപ വിലയുള്ള ഒരു ചാക്ക് (10 കിലോ) വളം വെറും രണ്ടു രൂപയ്ക്ക് തന്നു...
ഇന്റര്നെറ്റില് കറങ്ങിനടക്കുന്നതിനും ബസ്സില് ചാറ്റ് ചെയ്യാനും നിങ്ങള് ചിലവഴിക്കുന്ന സമയത്തില് നിന്ന് അല്പം മാറ്റിവയ്ക്കാന് മനസ്സുണ്ടെങ്കില് നല്ലൊരു പച്ചക്കറിത്തോട്ടം നിങ്ങളുടെ തൊടിയിലോ, അടുക്കളമുറ്റത്തോ, ടെറസിലോ നിര്മ്മിക്കാം.. താല്പര്യമുള്ളവര് അടുത്തുള്ള കൃഷിഭവന് സന്ദര്ശിക്കൂ..
വിര്ച്വല് ഫാം വില്ലിയില് നിന്ന് കിട്ടുന്ന സന്തോഷത്തെക്കാള് വളരെയധികമായിരിക്കും നമ്മുടെ വീട്ടില് ഒരുക്കുന്ന യഥാര്ത്ഥ "ഫാംവില്ലിയില്" നിന്ന് കിട്ടുന്നത്...
